អ្នកកីឡាកាសសញ្ជាតិម៉ិចស៊ីកូម្នាក់ បានរងរបួសធ្ងន់ធ្ងររហូតបាត់បង់ជីវិត ក្រោយការប្រកួតជាក្រុម (២ទល់២) ជាមួយក្រុមកីឡាករ Rey Mysterio ក្នុងទីក្រុង Tijuana កាលពីយប់ថ្ងៃសុក្រ (២០ មីនា) ។
យោងតាមប្រភពព័ត៌មាន បានឲ្យដឹងថា អ្នកកីឡាកាសរងគ្រោះរូបនេះ មានឈ្មោះថា Perro Aguayo Ramirez អាយុ ៣៥ ឆ្នាំ ។
តាមរយៈវីដេអូឃ្លីប បានបង្ហាញឲ្យឃើញថា ក្រោយពីកីឡាករ Ramirez រូបនេះ បានងើបឡើងលើសង្វៀនមិនបានប៉ុន្មានវិនាទីផង ក៏ស្រាប់តែកីឡាករ Rey Mysterio ដែលជាអតីតអ្នកកីឡាកាស WWE បានប្រើជើងទាំងពីរហក់ធាក់ពីខាងក្រោយក្បាល បណ្តាលឲ្យក.របស់ Ramirez ផ្ទប់នឹងខ្សែរេញ សន្លប់ស្តូកស្តឹងតែម្តង ។
ក្រោយចប់ការប្រកួត ដោយដឹងថា Ramirez រងរបួសធ្ងន់ធ្ងរ គណៈកម្មការនៃការប្រកួត ក៏ប្រញាប់ប្រញាល់បញ្ជូនរូបគេទៅកាន់មន្ទីរពេទ្យភ្លាមៗផងដែរ ។ ប៉ុន្តែ កីឡាកររូបនេះ ត្រូវបានរាយការណ៍ថា បានស្លាប់នៅក្នុងមន្ទីរពេទ្យ នៅយប់ថ្ងៃសៅរ៍ ៕
ប្រភពមកពីខ្មែរស្ថាបនា
0 comments:
Post a Comment