ថ្ងៃបុណ្យនៃសេចក្តីស្រឡាញ់ ឬ Valentine’s Day ត្រូវបានប្រព្រឹត្តឡើងជារៀងរាល់ឆ្នាំចំថ្ងៃទី១៤ ខែកុម្ភៈ ដែលជាពិធីបុណ្យរបស់បស្ចឹមប្រទេស។ ពិធីបុណ្យនេះត្រូវបានមិត្តៗយុវវ័យតែងតែហៅថា បុណ្យសង្សារ នោះពិតជាខុសទាំងស្រុង ហើយក៏មានការយល់ច្រឡំថា បុណ្យនេះផ្តល់ក្តីស្រឡាញ់ឱ្យសម្រាប់តែគូស្នេហ៍សង្សារជាពិសេសក្នុងចំណោមយុវវ័យក្មេងៗ។ ហើយនៅថ្ងៃបុណ្យនេះ គេតែងតែនិយមជូនផ្កាកុលាប កាដូដូចជាសូកូឡា ឬកាតជូនពរឱ្យគ្នាទៅវិញទៅមក។ និមិត្តសញ្ញាទិវានៃក្តីស្រឡាញ់គឺរូបបេះដូង និងកូនទេវត្តាស្នេហាដែលមានព្រួញ និងបេះដូងនោះ។
ប៉ុន្តែបើយោងតាមប្រភពពីគេហទំព័រថៃមួយបានឱ្យដឹងថា បុណ្យនេះមិនមែនផ្តោតសំខាន់តែលើសេក្តីស្នេហាសម្រាប់តែគូស្នេហ៍នោះទេ សេចក្តីស្រឡាញ់មានលក្ខណៈទូលាយគឺផ្តោតទៅលើសេក្តីស្រឡាញ់ឪពុកម្តាយបងប្អូន និងមិត្តភក្តិជាដើម។ ហើយក៏សូមឱ្យមិត្តៗយុវវ័យឈប់យល់ច្រឡំតទៅទៀត៕
ប្រភពមកពី៖ womenssanook
0 comments:
Post a Comment